Prezident tomonidan imzolangan Qonun (O‘RQ–875-son, 01.11.2023 y.) bilan Turkiy investitsiya jamg‘armasini ta’sis etish to‘g‘risidagi Bitim (Anqara, 2023 yil 16 mart) ratifikatsiya qilindi.
Qonunga ko‘ra, O‘zbekiston Respublikasi Tiklanish va taraqqiyot jamg‘armasining mablag‘lari O‘zbekistonning Turkiy investitsiya jamg‘armasidagi ulushini Bitimda nazarda tutilgan muddatlarda shakllantirish, shu jumladan uning boshlang‘ich kapitalidagi 2 000 ta aksiyaga obuna bo‘lish bilan bog‘liq xarajatlarni moliyalashtirish manbai ekanligi belgilandi. Investitsiyalar, sanoat va savdo vazirligi Bitimning bajarilishi uchun mas’ul vakolatli organ etib, Markaziy bank Bitim bo‘yicha depozitariy funksiyasini bajarishi belgilandi.
Shovot tumani Adliya bo‘limi yuridik xizmat 
ko‘rsatish markazi Bosh yuriskonsulti B.R.Qurbonov